بنجمع إيه
- رقم موبايلك واسمك — عشان الدخول وعشان الطرف التاني يعرف بيتعامل مع مين.
- صورتك الشخصية لو رفعتها، وعناوينك لو حفظتها.
- صور المشكلة وصور الشغل اللي بترفعها على الطلب.
- رسايل الشات جوّه الطلب، وصور إثبات الدفع.
- صورة البطاقة لمقدمي الخدمة بس، للتأكد من الهوية.
- معرّف مجهول للتطبيق على جهازك، بيتحسب عليه عدد أكواد الدخول المسموح بيها.
مين بيشوف إيه
- قبل ما مقدم الخدمة يقبل الطلب بيشوف المنطقة ووصف المشكلة والصور بس. اسمك ورقمك وعنوانك مابيخرجوش من السيرفر قبل القبول.
- بعد القبول بيشوف اسمك ورقمك وعنوانك عشان يوصلك.
- صورة البطاقة مابتظهرش لأي عميل ولا لأي مقدم خدمة — الإدارة بس، ومابتتنشرش في أي مكان، وبتتمسح لما الحساب يتحذف.
- الإدارة بتشوف الطلب والشات والفاتورة لما تتفتح شكوى، عشان تقدر تحكم.
مابنعملش إيه
مابنبيعش بياناتك ولا بنأجّرها لحد. مابنستخدمش رقمك في إعلانات. مافيش تتبّع لمكانك في الخلفية — التطبيق مابيقراش موقعك أصلًا، والمنطقة بتختارها بإيدك.
الإشعارات
لو سمحت بالإشعارات، بنخزّن توكن الجهاز عشان نبعتلك تنبيه الطلب والرسايل. التوكن ده بيتمسح من السيرفر أول ما تخرج من الحساب أو تحذفه.
مدة الاحتفاظ
بيانات الطلبات والفلوس بتفضل عشان كشف الحساب يفضل مقفول ولحقوق الطرفين. لما تحذف حسابك، بياناتك الشخصية وصورك وعناوينك بتتمسح، وتاريخ الطلبات بيفضل من غير اسمك — لأن الطرف التاني ليه حق في تاريخه هو كمان.
حقوقك
تقدر تعدّل بياناتك من «حسابي» في أي وقت، وتقدر تحذف حسابك من جوّه التطبيق أو من الصفحة دي من غير ما تدخل أصلًا.